ქობულეთში, ხინოწმინდაში VIII-IX საუკუნეებით დათარიღებულ ნაეკლესიარს პემზის ბლოკი დააშენეს. ფოტოები, სადაც ჩანს უძველეს ნაშთებზე ბლოკების დაშენება, თავად აჭარის კულტურული მემკვიდრეობის დაცვის სააგენტომ გაავრცელა.
როგორც ცნობილია, ნაეკლესიარი არქეოლოგიური ძეგლია.
” ხინოწმინდაში, იოანე ნათლისმცემლის თავის კვეთის ტაძრის აღდგენით სამუშაოებს სააგენტოს მონიტორინგის ჯგუფი, სააგენტოს ხელმძღვანელთან ერთად ადგილზე გაეცნო და შეაფასა. სამუშაოები ვადების დაცვით ხორციელდება და დაგეგმილთან ზუსტ თანხვედრაშია.
ხინოწმინდის სარეაბილიტაციო სამუშაოები სრულიად 2023 წლის ბოლოს დასრულდება, მისი აღდგენისთვის 750 000 ლარი დაიხარჯება.“ – ნათქვამია სააგენტოს მიერ გავრცელებულ განცხადებაში.