ავღანეთში დაჭრილი ქართველი ჯარისკაცი, კაპრალი თემურ დადიანი პარამკალვჭიდის მსოფლიო ჩემპიონი გახდა.
ამ გამარჯვებით საქართველოს თავდაცვის სამინისტროს სსიპ დავით აღმაშენებლის სახელობის საქართველოს ეროვნული თავდაცვის აკადემიის სამხედრო მოსამსახურე ოთხგზის მსოფლიო ჩემპიონი გახდა.
მან ორივე ხელის კატეგორიაში მოიპოვა გამარჯვება.
მარცხენა ხელის ფინალი ყაზახი სპორტსმენის წინააღმდეგ წარიმართა, ხოლო მარჯვენა ხელის ფინალში უკრაინელი სპორტსმენი დაამარცხა.
მსოფლიო ჩემპიონატი თურქეთში, ქალაქ სტამბულში ჩატარდა და მასში 54 ქვეყანა მონაწილეობდა.
თემურ დადიანი ორგზის გინესის რეკორდსმენია და წარმატებით ასპარეზობს პარასპორტის სხვადასხვა სახეობებში.
2011 წელს ავღანეთში ISAF-ის მისიის ფარგლებში ხელნაკეთმა ბომბმა მისი ორივე ქვედა კიდური შეიწირა, მაგრამ ეს მას ხელს არ შეუშლია გინესის რეკორდის დამყარებაში და მსოფლიო ჩემპიონის ტიტულის მოპოვებაში.