იტალიის საელჩო თბილისში, ხვიჩა კვარაცხელიას შესახებ, განცხადებას ავრცელებს და რომელშიც აღნიშნულია, რომ კვარაცხელია ისტორიაში მესამე ფეხბურთელი გახდა (დიეგო მილიტოსა და კრიშტიანუ რონალდუს შემდეგ) სერია A-ს საწყის თორმეტ მატჩში მიღწეული ასეთი შედეგით.
“იცოდი, რომ ხვიჩა კვარაცხელია უკვე მოხვდა სერია A-ს ისტორიაში? “სასუოლოსთან” მატჩში გატანილი გოლისა და ორი საგოლე გადაცემის შემდეგ, კვარაცხელია ისტორიაში მესამე ფეხბურთელი გახდა (დიეგო მილიტოსა და კრიშტიანუ რონალდუს შემდეგ) სერია A-ს საწყის თორმეტ მატჩში მიღწეული ასეთი შედეგით: “ჩემპიონთა ლიგაში” მიღწევების გარდა, “ნაპოლის” რიგებში მოთამაშე ქართველი ფეხბურთელის ანგარიშზე 11 საგოლე შეტევაში მონაწილეობა, 6 გატანილი გოლი და 5 საგოლე გადაცემაა. ვულოცავთ ნიჭიერ ახალგაზრდა ქართველ ფეხბურთელს წარმატებულ თამაშსა და შთამბეჭდავ შედეგებს!” – აცხადებს საელჩო.