ხურვალეთის ხანდაზმულთა თავშესაფრის დირექტორი,ლუდა სალია, სოციალურ ქსელში ახალგაზრდა კაცის შესახებ, ემოციურ პოსტს აქვეყნებს.
როგორც სალია წერს, ტარიელ სულაშვილი, რომელიც 4 შვილის მამაა, თავშესაფარს შემოდგომის ნობათით დაეხმარა.
“ეს ბიჭი ქარელიდანაა, 4 შვილის მამა ტარიელ სულაშვილი. (ტაქსის მძღოლი) გუშინ მგზავრი მოიყვანა ჩვენთან, ხურვალეთის ხანდაზმულთა სახლში, და ერთი ეს კი თქვა, არ ვიცოდი ამ თავშესაფრის არსებობის შესახებო.
დღეს კი დაუტვირთავს თავისი ტაქსი ნობათით და მომადგა ხურვალეთში.
უფალო უმრავლე საქართველოს ასეთი კეთილი და გულალალი ადამიანები.
მადლობა, ტარიელ სულაშვილს ხურვალეთის ხანდაზმულების სახელით”, – წერს თავშესაფრის დირექტორი სოციალურ ქსელში.