მოსკოვის მახლობლად, ჟუკოვსკში, პოლიციამ ეკლესიის მსახური დააკავა, რომელმაც ცოლს, ავადმყოფობის გამო, სასიკვდილოდ სცემა.
მედიის ინფორმაციით, 19 ოქტომბერს ბინაში ქალის ცხედარი იპოვეს. თავდაპირველად ვარაუდობდნენ, რომ სიკვდილის მიზეზი მისი დემენციით ავადობა გახდა, თუმცა მოგვიანებით აღმოჩნდა, რომ ქალს სხეულზე სხვადასხვა სახის დაზიანებები აღენიშნებოდა.
გარდაცვლილის ქმრის დაკითხვით გაირკვა, რომ ის ცოლს ხშირად სცემდა, მიზეზი კი ქალის ავადმყოფობა იყო.
არსებული ინფორმაციით, ბოლო ჩხუბის დროს, კაცმა ცოლს რამდენჯერმე დაარტყა. ამის შემდეგ ქალის მდგომარეობა გაუარესდა და რამდენიმე დღეში გარდაიცვალა