ფოტომოდელი ნეკა დოროყაშვილი “რადიო თავისუფლებასთან” ინტერვიუში აცხადებს, რომ ცხოვრების რთულ ეტაპზე კრიტიკის ობიექტი გახდა, ნეგატიურ კომენტარებს შორის კი იყო ისეთებიც რომლებიც არასოდეს დაავიწყდება.
“მიუხედავად იმისა, რომ ყველა კომენტარს ვკითხულობ, სენტიმენტების მომენტი გამორთული მაქვს, მაგრამ მაშინ ძალიან მიჭირდა, მაინც შევდიოდი და ყველაფერს ვკითხულობდი. რამდენიმე ფრაზა არის, რომელიც სულ მემახსოვრება “ეს გოგო ფეხებით უნდა დაკიდო”, “ჩამოვართვათ დედობის უფლება.”
მინდა უბრალოდ, როდესაც დავამთავრებთ სასამართლოს, ხალხს ვუთხრათ, რომ არასოდეს დაწერონ ასეთი რაღაცები, არავის მიმართ. ზოგადად ვგმობ, ყველანაირ ბულინგს ვგულისხმობ ადამიანის მიმართ, იმიტომ, რომ შენ არ იცი იმ ადამიანის გამძლეობა სადამდე მიდის, შენ არ იცი, იმ ადამიანს რა შეიძლება დაემართოს“, – ამბობს ნეკა დოროყაშვილი.