“სუნთქვის აპარატიდან მოხსნის შემდეგ გადარჩენილ ბავშვს კალაძის მაისური ჩააცვეს, დააყენეს, ხელები გააშლევინეს და ფოტოები გადაუღეს” – ქეთი დევდარიანი

სცენარისტი, ქეთი დევდარიანი სოციალურ ქსელში პოსტს აქვეყნებს. ის თბილისში, ვაკის პარკში მომხდარ ტრაგედიაზე წერს და თბილისის მერს, კახა კალაძეს აკრიტიკებს:

“იმისათვის, რომ ფსევდომორალისტებს კალაძის გაპრავების საშუალება არ მიეცეთ და ჩვენც მართლები ვიყოთ არასრულწლოვან ბავშვებთან, რომელსაც მერია ჯერ კლავს და მერე იარაღად იყენებს, ფოტოს დადებას ამბის მოყოლა ჯობია.

კორუფციის, უპასუხისმგებლობის, კრიმინალის, სიხარბის და ქოცობის გამო სამ ბავშვს შადრევანში დენმა დაარტყა, აქედან ორი ვაჟკაცმა დევი მეზურნიშვილმა გადაარჩინა. ერთი კი, რომელიც მეგობრის საშველად ჩავიდა წყალში, გარდაიცვალა.

სუნთქვის აპარატიდან მოხსნის შემდეგ გადარჩენილ ბავშვს მერი კალაძის მაისური ჩააცვეს, დააყენეს, ხელები გააშლევინეს და ფოტოები გადაუღეს.
ამის შემდეგ დაახლოებით 4000 ადამიანმა მადლობა გადაუხადა კალაძეს, რომ ის ძალიან კარგი ადამიანია და პირველ რიგში სწორედ ადამიანობაა მთავარი” – წერს დევდარიანი.