კანადამ რუსეთის წინააღმდეგ დაწესებული სანქციები გააფართოვა და ახალ სანქცირებულთა სიაში 34 პირი, მათ შორის კრემლის პროპაგანდისტი თინა კანდელაკიც, შეიყვანა.
კანადის საგარეო საქმეთა სამინისტროს განცხადებაში აღნიშნულია, რომ სანქცირებული პირები დეზინფორმაციის გავრცელებაში მონაწილეობენ.
სანქცირებულთა შორის მოხვდნენ: რუსი ჟურნალისტი მიხაილ ლეონტიევი, თინა კანდელაკი, კირილ კლემენოვი, სამხედრო კომისარი ალექსანდრე კოცი, ტელეწამყვანიწამყვანი მარია სიტელი, სპორტული კომენტატორი დიმიტრი გუბერნიევი, მსახიობები სერგეი ბეზრუკოვი, დიმიტრი პევცოვი და ვლადიმერ მაშკოვი, რუსეთის სამხედრო ისტორიული საზოგადოების თავმჯდომარე ვლადიმერ მედინსკი.