საქართველოში კორონავირუსით მეექვსე ადამიანი გარდაიცვალა. თბილისის პირველი საუნივერსიტეტო კლინიკის დირექტორის, ლევან რატიანის თქმით, 83 წლის კაცს არაერთი თანმდევი ქრონიკული დაავადება ჰქონდა და ის კრიტიკულ მდგომარეობაში იყო.
“ბატონი იყო ტერმინალურ მდგომარეობაში. ჰქონდა ქრონიკული პათოლოგიები. ანამნეზში იყო გულის უკმარისობა, მოციმციმე არითმია, ყველა სარქვლის ნაკლოვანება. მიუხედავად ჩატარებული ღონისძიებებისა, რეანიმაციული ღონისძიებები უშედეგო აღმოჩნდა და დღეს დილით დაფიქსირდა ბიოლოგიური სიკვდილი” – განაცხადა რატიანმა.
საქართველოში კორონავირუსის 485 შემთხვევაა დადასტურებული. გამოჯანმრთელდა 139 ადამიანი.