გავლენიანი დიზაინერი დემნა გვასალია გერმანიაში, დიუსელდორფში მდებარე ქართულ რესტორან “პეპელას” ეწვია. ამის შესახებ რესტორნის Facebook გვერდზე გამოქვეყნებული ფოტოდან გახდა ცნობილი.
როგორც Ambebi.ge-ს გერმანიაში ქეთევან პიატკოვსკიმ განუცხადა, დემნას ვიზიტი მოულოდნელი და ემოციური იყო.
“ფოტოზე ჩემი დაა გადაღებული, მარინა მარღიშვილი… დემნა ძალიან მოულოდნელად გვეწვია. იმდენად მოულოდნელად, რომ ჩემი პერსონალი ხმას ვეღარ იღებდა და მუხლები უკანკალებდათ. დემნა არაჩვეულებრივ ადამიანებთან ერთად გვესტუმრა. თავისი თავაზიანობით და კომუნიკაბელურობით მალევე მოეხსნათ ყველას დაძაბულობა და არაჩვეულებრივი საღამო გამოგვივიდა. დემნამ, როგორც აღნიშნა, ჩვენთან კერძები ძალიან მოეწონა და ჩემი პერსონალი კარგადაც დაასაჩუქრა. მეუღლესთან და მშობლებთან ერთად იყო. ქართულად საუბრობდა. ძალიან უშუალო და თავაზიანია”, – ამბობს ქეთევან პიატკოვსკი.
