ირანში LGBT თემის წარმომადგენელ 2 ქალს, სექსუალური უმცირესობის მხარდამჭერი აქტივიზმისთვის სიკვდილით დასჯა მიუსაჯეს. 31 წლის ზაჰრა სედიქი ჰამედანს და 24 წლის ელჰამ ჩუბდარს ბრალად ედებათ ჰომოსექსუალობის ხელშეწყობა, ქრისტიანობის პოპულარიზაცია და ისლამური რესპუბლიკის მოწინააღმდეგე მედიასთან კომუნიკაცია.
ინფორმაციას ამის შესახებ BBC ავრცელებს.
ამასთან, “როიტერსი” ირანის ოფიციალურ საინფორმაციო სააგენტო IRNA-ზე დაყრდნობით ავრცელებს ინფორმაციას, სადაც ნათქვამია, რომ ორივე ქალს ბრალად არა LGBT აქტივიზმი, არამედ კორუფცია და ადამიანებით ვაჭრობა ედებათ.
“გავრცელებული ამბების და ჭორების საპასუხოდ, ამ ორ პირს ბრალად ედებათ ქალების, ახალგაზრდა გოგონების მოტყუება და ტრეფიკინგი,” – ნათქვამია სასამართლო ხელისუფლების საინფორმაციო გამოცემის მიერ გავრცელებულ განცხადებაში.
ინფორმაციას ამასთან დაკავშირებით სხვა უცხოური მედიაც ავრცელებს. როგორც Amnesty International-ი წერს, ზაჰრა სედიგი-ჰამადანი, ცნობილი როგორც სარე, 2021 წლის 27 ოქტომბრიდან დააკავეს მისი სექსუალური ორიენტაციისა და გენდერული იდენტობის, ასევე სოციალური მედიის იმ პოსტების გამოქვეყნების გამო, რომელიც ლგბტ უფლებების დაცვას ეხებოდა.
ხელისუფლების წარმომადგენლები მას არასათანადოდ ეპყრობოდნენ და დაემუქრნენ, რომ გაასამართლებენ “დედამიწაზე კორუფციის გავრცელებაში”, რაც სიკვდილით დასჯას ითვალისწინებს.
წყარო: “რუსთავი 2”