“ერთი სუიციდზე “ღადაობდა”, მეორე დაძინებულ პაციენტზე, მესამეს ლაივი ჰქონდა ჩართული – პაციენტებს აშაყირებედნენ” – რას წერს ქართველი ექიმი

ექიმი ზურა სიხარულიძე Facebook-ზე პოსტს აქვეყნებს და დამწყები მედიკოსების ნაწილს პაციენტებისადმი შეურაცხმყოფელ დამოკიდებულებაში ადანაშაულებს.

“ზოგადად, რატომ აბარებენ სამედიცინოზე და რატომ ხდებიან ექიმები, აი ვერ ვხდები, მართლა კატასტროფაა, ხანდახან ისეთებს ხედავ, ტიკ-ტოკზე განსაკუტრებით – მორიგეობებიდან და პაციენტებზე რაღაც ისტორიებით… არ ვიცი არ ვიცი კომენტარიც არ მაქვს”, – წერს ზურა სიხარულიძე.

პოსტის კომენტარებში კი კონკრეტული შემთხვევები მოჰყავს.

“სამრცხვინოა, რეებს აკეთებენ… ჰგონიათ, რომ შაყირობენ ამ დროს, დღეს სამი შემხვდა ასეთი –  ერთი სუციდზე “ღადაობდა” მეორე დაძინებულ პაციენტზე, მესამეს ლაივი ჰქონდა ჩართული და პაციენტებს აშაყირებედნენ, აშაკრად სტუდენტები იყვნენ”, – წერს ექიმი.