„ტაბულას“ დამფუძნებელი თამარ ჩერგოლეიშვილი სოციალურ ქსელში პოსტს აქვეყნებს. ჩერგოლეიშვილის აზრით, სამწუხაროა როდესაც ოჯახების შესანახად მშრომელი ადამიანები, ამ შრომას დამაკნინებლად და სამარცხვინოდ მიიჩნევენ.
“ძიძობა, დიასახლისობა, მომვლელობა არის ძალიან, ძალიან დასაფასებელი და ღირსეული შრომა.
ვწუხვარ, რომ ადამიანები რომლებიც ღირსეულად შრომობენ ოჯახების შესანახად, ამ შრომას დამაკნინებლად, სამარცხვინოდ მიიჩნევენ.
ესეც საბჭოთა მემკვიდრეობაა, როდესაც მომსახურება სათაკილოა.
ეს მიდგომაც უნდა ამოიძირკვოს!
სათაკილო არის უსაქმურობა.
სათაკილო არის ბიუჯეტის წურბელობა, სხვის კმაყოფაზე ჯდომა, ლუარსაბ თათქარიძეობა!
საკუთარი შრომით (როგორი შრომაც არ უნდა იყოს) კეთილდღობისკენ სწრაფვა არის ღირსების საკითხი და არა სირცხვილი, რომელიც რომელიმე კარგმა მეცნიერმა, სპორსტმენმა, ან ხელოვანმა უნდა გამოასწოროს.” – წერს ჩერგოლეიშვილი