“ვაიმე შვილო, ვაიმე, ვიზიარებ დედის მწუხარებას და შენს დამღუპველ მოსამართლეს იგივე ტკივილს ვუსურვებ რაც დედაშენს აქვს ახლა. ფსიქიკური დიაგნოზის მქონეს, როგორ შეგიფარდა მაგ არაადამიანმა წინასწარი პატიმრობა რაღაც ბენზინის საფასურის გადაუხდელობის გამო ?” – ამის შესახებ სოციალურ ქსელში თამუნა გიორგაძე წერს და გარდაცვლილი პატიმრის გურამ სვანიძის ფოტოს აზიარებს.
შეგახსენებთ, გლდანის ციხის პატიმარი გურამ სვანიძე, რომელმაც შპს “ფსიქიკური ჯანმრთელობის და ნარკომანიის პრევენციის ცენტრში” ბადრაგს იარაღი წაართვა და თავის არეში მიიყენა თვითდაზიანება, საავადმყოფოში გარდაიცვალა.
გურამ სვანიძე 20 აგვისტოს კავკასიის მედიცინის ცენტრში გადაიყვანეს, მას ოპერაცია ჩაუტარდა და კრიტიკულ მდგომარეობაში, რამდენიმე დღის განმავლობაში მართვით სუნთქვაზე იმყოფებოდა, თუმცა ექიმებმა მისი გადარჩენა ვერ შეძლეს.