“მთავარი არხის” ყოფილი წამყვანის, ლაშა ნაკაიძის საქმის პროკურორი ნათია ნოზაძე თბილისის საქალაქო სასამართლოს მიერ, პროკურატურის შუამდგომლობის გათვალიწინებას ეხმაურება ბრალდებულისთვის აღკვეთის ღონისძიების სახით პატიმრობის შეფარდებასთან დაკავშირებით.
“სასამართლომ ერთმნიშვნელოვნად გაიზიარა ის გარემოება, რომ არსებობდა ბრალდებულის მხრიდან პირველ რიგში, მოწმეებზე, მათ შორის, დაზარალებულზე ზემოქმედების საფრთხე და ასევე დანაშაულის სიმძიმიდან, ხასიათიდან გამომდინარე, ახალი დანაშაულის ჩადენის საფრთხე. საქმეში არის წარმოდგენილი არაერთი მტკიცებულება, მათ შორის, მოწმეთა გამოკითხვის ოქმები, ნივთიერი მტკიცებულებები და ა.შ. მიმდინარეობს გამოძიება და ასევე, დამატებითი მტკიცებულებების მოპოვება ხდება, მათ შორის იქნება ეს ფოტომასალა თუ ა.შ.” – განაცხადა ნათია ნოზაძემ და აღნიშნა, რომ დანაშაულის ჩადენის მოტივი შურისძიება იყო.