ქუთაისში, კორპუსის აფეთქების შედეგად შუახნის ქალი დაშავდა. არსებული იფნრომაციით, ქალი მეხუთე სართულზე სწორედ იმ ბინაში ცხოვრობდა, სადაც აფეთქება მოხდა.
ადგილზე ცოტა ხნის წინ ქუთაისის მერი, დავით ერემეიშვილი მივიდა, რომლის ინფორმაციითაც, მარტოხელა ქალი ბინაშ გაზის გამათბობლის ანთებას ცდილობდა, რასაც აფეთქება მოყვა. მისი თქმით, ქალი სამედიცინო დაწესბეულებაშია გადაყვანილი და გამოკვლევები უტარდება.
ჭავჭავაძის 50-ში ამ დილით მოხდა გაზის გაჟონვის ფაქტი, წინასწარი ვარაუდით, რამაც გამოიწვია აფეთქება. დაზიანებულია კორპუსის მეხუთე სართული, სადაც უშუალოდ მოხდა ეს აფეთქება. ქალბატონი მარტოხელა, რომელიც ცხოვრობდა ამ კორპუსში, გადაყვანილია სამედიცინო დაწესებულებაში, უტარდება გამოკვლევები, კონტაქტურია. მისგან მიღებული ინფორმაციით, გაზის გამათობობლის ანთებას ცდილობდა, რა დროსაც მოხდა აფეთქება.
ახლა ადგილზე მუშაობს გაზის კომპანია, ცოტა ხანში მოვა სამხარაულის წარმომადგენელი, რომელიც დაადასტურებს მომხდარს და გვეცოდინება, რამდენი ოჯახის გაყვანა მოგვიწევს. ამ ეტაპისთვის ვფიქრობთ, რომ 15 ოჯახი იქნება გასაყვანი, რომელსაც უკვე მოვუძიეთ სასტუმროები, – ამბობს მერი.
თვითმხილველები მომხდარის დეტალებს იხსენებენ.
კედლები რიხინ-რიხინით ჩამოცვივდა, აზრზე ვერ მოვედი რა მოხდა, – ამბობს თვითმხილველი.
დაახლოებით ალბათ 12 ის 5 წუთი იყო. მანქანა ქვევით დავტოვე, სახლში ავედი და უცებ მთელი კორპუსი შეირყა, შეზანზარდა, იყოა აფეთქები ხმა და როგორც კი ფანჯრიდან გადმოვიხედე, ეს სურათი დამხვდა, – ამბობს კიდევ ერთი ადგილობრივი.
შეგახსენებთ, რომ ქუთაისში, ავტოქარხნის დასახლებაში აფეთქება მოხდა. ინფორმაცია თავდაპირველად სოციალურ ქსელში ერ-ერთმა მოქალაქემ გაავრცელა და პოსტს ფაქტის ამსახველი ფოტოც დაურთო.
ადგილზე ამ წუთებში შესაბამისი სამსახურებია მობილიზებული, ტერიტორია კი ყვითელი ლენტით არის შემოსაზღვრული.
