ცოტა ხნის წინ საკონსტიტუციო სასამართლოს სხდომაზე “ნაციონალურ მოძრაობასა” და “ქართულ ოცნებას” შორის სიტყვიერი დაპირისპირება იყო. ეს მას შემდეგ დაიწყო, რაც ზაზა ბიბილაშვილმა იური ვაზაგაშვილის საქმესთან დაკავშირებით ისაუბრა, რაც ადგილზევე გააპროტესტა არჩილ გორდულაძემ.
“ქართული ოცნების” წევრმა თქვა, რომ ზაზა ბიბილაშვილის გამოსვლა იური ვაზაგაშვილის მკვლელობის გამართლება იყო.
სიტვიერ დაპირისპირებაში ჩაერია მოსამართლე რევაზ ნადარაია და გორდულაძეს მოუწოდა, ტონი ეკონტროლებინა.
” ბატონო არჩილ, კიდევ ერთხელ გეუბნებით, ნუ ყვირით ადგილიდან” – უთხრა მოსამართლემ გორდულაძეს.
ევა გოცირიძე: ბატონო ზაზა თქვენ აღნიშნოთ, რომ ის საჩივრები, რომელიც იყო სტრასბურგის სასამართლოში შეტანილი, სახელმწიფომ თვითონ აღიარა დარღვევა. ასეთი ტიპის აღიარება და მორიგება ყოველთვის ფორმდება თვითონ სტრასბურგის სასამართლოს მიერ, სასამართლოს შეუძლია არც დაეთანხმოს ამას. ასე ვთქვათ, ჯერ და შეუძლია, მაგრამ ეგეთი რამე იშვიათად ხდება. გარკვეული და შეუძლია უარი თქვას ამის აღიარებაზე და გააგრძელოს საქმის განხილვა. და ეს გარემოება რაიმეზე მეტყველებს?
ზაზა ბიბილაშვილი: თქვენ მეკითხებით რა უნდა გაეკეთებინა „ოცნებას“? მე გეუბნებით, რომ „ოცნება“ მოვიდა კონკრეტული პოლიტიკური მანდატით, კონკრეტული პოლიტიკური ხედვით და დღის წესრიგით. და ის, რაც მან გააკეთა, იყო არა საქმის შინაარსიდან გამომდინარე, არამედ პოლიტიკური მიზანშეწონილობიდან გამომდინარე. ეს იყო პოლიტიკური ანგარიშსწორება, ეს იყო ის, როდესაც მაგალითად, ორი კაცის მკვლელ ვაზაგაშვილს ძეგლი დაუდგეს იუსტიციის სახლის წინ, მანამდე… მაგალითად, მის მიერ მოკლული ადამიანების ოჯახებმა არ დაიმსახურეს სამართლიანობის აღდგენა?
არჩილ გორდულაძე: რას ლაპარაკობ?
ზაზა ბიბილაშვილი: აი, ამას ვლაპარაკობ, ეს რა შუაშია ახლა, ეს რამხელა შეურაცხყოფაა? მე ვსაუბრობ იმაზე… აბსურდს ამბობენ ახლა და ამბობენ იმას, რაც მე არ მითქვამს. მე ვთქვი, რომ მათ ჰქონდათ თავისი კონკრეტული მანდატი, კონკრეტული დღის წესრიგი და ის მორიგებები, რომელიც მათ სტრასბურგში განახორციელეს.
არჩილ გორდულაძე: ახლაც ასამართლებს … ბოდიშს ვიხდი კიდევ.
ზაზა ბიბილაშვილი: დააწყნარეთ თუ შეიძლება.
რევაზ ნადარაია: შეკითხვების დასმა არ მოგწონთ და გაღიზიანებთ ბატონო არჩილ სხვა საკითხია. ბატონო არჩილ, კიდევ ერთხელ გეუბნებით, ნუ ყვირით ადგილიდან
