აფეთქება ქვემო ფონიჭალაში – ადგილობრივები, რომლებმაც კორპუსიდან გამოსვლა შეძლეს, “პირველებს“ უყვებიან, როგორ დაიწყო ნგრევა.
ერთ-ერთი მათგანი ამბობს, რომ მისმა ოჯახის წევრებმა მოასწრეს გამოსვლა, თუმცა, ნანგრევებში დარჩენილია დეიდა, რომელიც მისი ინფორმაციით, მძიმე მდგომარეობაშია.
პირველ სართულზე გვეძინა, უცბად დაიწყო, ჩამოწვა მთლიანი. ოთხივე სართული პირველ სართულზეა ჩამოსული. დეიდაა მოყოლილი დაბლა, ჩვენი ოჯახიდან ყველამ მოვასწარით გამოსვლა, მაგრამ დეიდა ძალიან ცუდ მდგომარეობაშია და არ ვიცით, რა ხდება, – ამბობს კორპუსის მაცხოვრებელი.
აფეთქება ქვემო ფონიჭალაში ცოტა ხნის წინ მოხდა – “უსინათლოთა დასახლებაში“ ხუთ სართულიანი კორპუსის სადარბაზო ჩამოინგრა. ბოლო ინფორმაციით, ნანგრევებიდან მაშველებმა 3 პირი კონტაქტურ მდგომარეობაში გამოიყვანეს
ადგილზე სახანძრო-სამაშველო სამსახურის წარმომადგენლები იმყოფებიან.
პირველადი ინფორმაციით, ბუნებრივი აირი საცხოვრებელი კორპუსის მეხუთე სართულზე აფეთქდა.
