“საქართველოს მასშტაბით ადამიანები იყენებენ ევროკავშირის მიერ შემოთავაზებულ შესაძლებლობებს საკუთარი ცხოვრების გასაუმჯობესებლად” – ამის შესახებ განაცხადა ევროკავშირის ელჩმა საქართველოში, პაველ ჰერჩინსკიმ სოფლის მეურნეობისა და სოფლის განვითარების ევროპის სამეზობლო პროგრამის IV ფაზის დახურვის ღონისძიებაზე სიტყვით გამოსვლისას.
“მე ძალიან მიყვარს საქართველოს შესანიშნავი საკვები პროდუქტები და გულწრფელად ვიმედოვნებ, რომ მათ ევროკავშირის ქვეყნების მაღაზიების თაროებზე უფრო მეტს ვიხილავთ. თუ ეს პროდუქცია იქ უკვე გვხვდება, ეს ნაწილობრივ ჩვენი დამსახურებაცაა.
საქართველოს მასშტაბით ადამიანები იყენებენ ევროკავშირის მიერ შემოთავაზებულ შესაძლებლობებს საკუთარი ცხოვრების გასაუმჯობესებლად და თემების გასაძლიერებლად. ევროკავშირი თქვენთან არის. ეს არის ჩვენი გზა სოფლად მცხოვრები ძლიერი თემებისა და მდგრადი სასურსათო სისტემისკენ…“ – განაცხადა პაველ ჰერჩინსკიმ.