„ვაიმე, საშინელება დატრიალდა ხალხო! ჩემი ბიოლოგიური მამა, ამ დილით გულით გარდაიცვალა საქართველოში! ვაიმე, შოკში ვარ ხალხო! ასე მგონია, მე მოვკალი! თითქოს ჩემმა გაბრაზებულმა სიტყვებმა მოკლა, რომელსაც აქ პოსტად ვწერდი ხოლმე, თორემ ცოცხლად პირში მაგის თქმას როგორ შევბედავდი! ვაიმე, ხალხო, როგორ უნდა გავაგრძელო სიცოცხლე ამ დანაშაულის გრძნობით?! თავზარი დამეცა! გათიშული ვარ!
ეს რა უბედურება დამემართა!
რა მინდოდა? რა ჯანდაბა არ მასვენებდა?!
ახლა როცა ერთმანეთით უნდა დავმტკბარიყავით?! ვაიმე, ცუდადაა ჩემი საქმე!
სირცხვილით ან გასვენებაში როგორ ჩავიდე და როგორ ჩავხედო თვალებში ჩემს დებს, მის მეუღლეს?! ვახ, ეს რა უბედურ ვარსკვლავზე ვყოფილვარ დაბადებული, კაცო! ეს რამდენი უბედურებაღა უნდა შემემთხვეს, ხალხო?!
იმის მეშინია ჩემს ბობოქარ გულსაც არ გასძვრეს ბოლო! ვახ, კაცო!
ძალიან ვწუხვარ! ძალიან განვიცდი და ძალიან ცუდად ვგრძნობ თავს! დარწმუნებული ვარ, მთელი სანათესავო მე მადანაშაულებს და მართლებიც არიან! ბოდიში! ბოდიში ყველას!
ნეტავ საერთოდ არ გავჩენილიყავი! ნეტავ საერთოდ არ დავბადებულიყავი! მაპატიეთ ხალხოოოო!!!!! ბოდიში მამაჩემო! არ მინდოდა შენი წყენინება! ბოდიში, რომ გული მოგიკალი და გაგიხეთქე! იმედია, იქ შეძლებ ჩემს პატიებას! მე როგორ გამომივა ჩემი თავის პატიება, არ ვიცი! გადაგიყოლა ჩემზე დარდმა და ტკივილმა!
მაპატიე! კაპანაძეებო, ყველამ მაპატიეთ! ვწუხვარ! უზომოდ ვწუხვარ და განვიცდი! ღმერთმა შემინდოს!
ბოდიში, მამა! არ გამომივიდა კარგი შვილობა! ამ ბოლო დროს არაფერი აღარ გამომდის!“, – წერს ცისნამი საყვარლიშვილი.
ცნობისთვის, 2024 წელს ცისნამის ცხოვრებაში მოულოდნელი ამბავი მოხდა. მან სოციალურ ქსელში საკუთარი ბიოლოგიური მშობლების ვინაობა საჯაროდ გაამხილა.
მისი ბიოლოგიური მამის ქალიშვილმა, ქეთი კაპანაძემ, სოციალური ქსელის საშუალებით ამოიცნო და შეატყობინა, რომ ისინი ნახევარდები იყვნენ.
გაირკვა, რომ ბიოლოგიური მამის მხრიდან სამი და ჰყავდა. სამივე დასთან დაამყარა ურთიერთობა.
2024 წლის ბოლოს შეხვდა ბიოლოგიურ მამას და დებს. შეხვედრა მისთვის ძალიან ემოციური და ბედნიერი აღმოჩნდა.
ბიოლოგიურმა მამამ, ბადრი კაპანაძემ, მიიღო და სიყვარულით შეხვდა.
დედასთან ურთიერთობა კი კვლავ რთული დარჩა. 2025 წლის ინტერვიუში ცისნამი ამბობდა, რომ დედამ მისი ნახვა არ ისურვა.