იუსტიციის სამინისტრო განმარტავს, რომ მინისტრი პაატა სალია სასჯელაღსრულების სისტემაში დირექტორების ცვლილების შესახებ მსჯელობაზე საუბრისას არა რუსთავის #6 დაწესებულების ხელმძღვანელს, შოთა ტრაპაიძეს, არამედ გლდანის მე-8 პენიტენციური დაწესებულების დირექტორს, რამაზ ფირცხალავას გულისხმობდა.
ამ განმარტების თანახმად, შეიძლება ვივარაუდოთ, რომ გიორგი პატარიძის შემდეგ პოსტი შესაძლოა გლდანის მე-8 პენიტენციური დაწესებულების დირექტორმა დატოვოს.
კითხვაზე, რჩება თუ არა შოთა ტრაპაიძე დაკავებულ თანამდებობაზე, სალიამ “ტვ პირველის” ჟურნალისტს ასე უპასუხა: “ამ ეტაპზე, ჯერჯერობით ვმსჯელობთ ამ საკითხთან დაკავშირებით და მიღებული იქნება გადაწყვეტილება”.