“ხაშურში სურამში მამა ვახტანგისა და მამა მიქაელის მიერ მონათლული პირები ხელმეორედ მოსანათლები არიან“ – ვიდეომიმართვას ხაშურისა და სურამის ეპარქიის წარმომადგენელი, მამა დავითი კაბერაშვილი ავრცელებს.
მისი ცნობით, აღმოაჩინეს ვიდეოჩანაწერი, სადაც სასულიერო პირის მიერ ნათლობის წესის დარღვევა დაფიქსირდა.
მამა ვახტანგი, საერო სახელით ჯუმბერი მოღვაწეობდა ხაშურის ამჟამინდელ საკათედრო ტაძარში 1979 წლიდან 1989 წლის ჩათვლით, ხოლო მამა მიქაელი საერო სახელით მინაგო ასევე ადრეულ წლებში.
“მოგეხსენებათ, ხაშურის საკათედრო ტაძარში მსახურობდა მამა ვახტანგი და მამა მიქაელი. თუ ზუსტად იცით, რომ მათ მიერ ხართ მონათლული, აუცილებლად საჭიროებთ ხელმეორედ მონათვლას… ცილს არავის ვწამებთ მეგობრებო, უბრალოდ აღმოაჩინეს ვიდეოჩანაწერი, სადაც ნახეს, რომ არასწორად ნათლავდა მამაო და პატრიარქმა ილიამ გამოსცა ეს დადგენილება” – აცხადებს ხაშურისა და სურამის ეპარქიის წარმომადგენელი მამა დავითი კაბერაშვილი.