“ლეიბორისტული პარტიის” ლიდერი, შალვა ნათელაშვილი ვლადიმერ პუტინს მიმართავს და მოუწოდებს, გაიყვანოს ჯარი საქართველოს ტერიტორიიდან.
ნათელაშვილი ასევე მოითხოვს, ქართველ მრევლს და მღვდელმსახურებს დროებით ოკუპირებულ ტერიტორიებზე შესვლის და ღვთისმსახურების ჩატარების უფლება მიეცეთ.
პოლიტიკოსის თქმით, სწორედ ამის შემდეგ იქნება შესაძლებელი რუსეთთან მეზობლურ ურთიერთობაზე საუბარი.
“ოკუპანტებო გადით საქართველოდან და გაიყოლეთ თქვენი სატელიტი მარიონეტი ივანიშვილის დანაშაულებრივი რეჟიმიც’ – თქვა შალვა ნათელაშვილმა.
ვართ ოკუპირებულ ზონაში, სჩანს დამპყრობელთა საქმიანობა მთაზე – ახალგორისკენ. აგერ აქვე აგებულია მე-12 საუკუნის იკორთას დიდებული ტაძარი, სადაც განისვენებენ კახეთის აჯანყების ხელმძღვანელები, რომლებიც ვერასოდეს ვერ წარმოიდგენდნენ, რომ საუკუნეების შემდეგ მათ საქართველოში ხელისუფლების სათავეში მოვიდოდა ეროვნული მტერი ბიძინას სახელით და ივანიშვილის გვარით, სამწუხაროდ.
როგორც კი გაიგეს, რომ ოკუპირებულ სოფლებში შესვლა გვინდა, ეგრევე ატყდა სკანდალი, აცნობეს მინისტრებს, პირადად მტერს ერისას, ბიძინა ივანიშვილს და აიკრძალა ჩვენი იქ შესვლა .
მივმართავ რუსეთის პრეზიდენტს ვლადიმერ პუტინს, მოსკოვიდან გვესმის სისტემატიურად, რომ მოვაწესრიგოთ ურთიერთობა, აღვადგინოთ მეზობლობა და სხვა. კი ბატონო, დავიწყოთ ოღონდ იმით, რომ შეუშვით ქართველი მრევლი, ღვთისმსახურები ტაძრებში, გაიყვანეთ ჯარები აქედან და მერე რომელი სულელი იტყვის უარს დიდ მეზობელთან ურთიერთობაზე და თუნდაც მეგობრობაზე. ოკუპანტებო გადით საქართველოდან და გაიყოლეთ თქვენი სატელიტი მარიონეტი ივანიშვილის დანაშაულებრივი რეჟიმიც”, – განაცხადა შალვა ნათელაშვილმა.