ყვარლის მუნიციპალიტეტში ავარიაში მოყვა სამარშრუტო ტაქსი, რომელსაც 15 მოსწავლე გადაჰყავდა – ამის შესახებ ინფორმაციას მთავარი ამბები კახეთიდან ავრცელებს და წერს, რომ მიკროავტობუსს მოსწავლეები სოფელ ჩანტლისყურიდან ახალსოფლის №1 საჯარო სკოლაში გადაჰყავდა.
დაშავებული მოსწავლეებიდან ერთს ხელის მტევანი აქვს მოტეხილი, მეორეს კი ლავიწის ძვალი აქვს გატეხილი. სამი ბავშვი კლინიკაში 112-ის ბრიგადამ გადაიყვანა. შემთხვევა ახალსოფლის შესასვლელში, გზაჯვარედინზე მოხდა. მათ მსუბუქი ავტომობილი შეეჯახათ. დანარჩენი მოსწავლეები კი, რომლებსაც მსუბუქი დაზიანებები აღენიშნებოდათ სამედიცინო დაწესებულებაში მშობლებმა და ადგილზე მყოფმა პირებმა მიიყვანეს.