ისტორიკოსი ლაშა ბაქრაძე ამბობს, რომ ქურმუხის წმინდა გიორგის ტაძარი ქართული ისტორიული ძეგლია და ის ფაქტი, რომ მისი მდგომარეობა საპატრიარქოს აინტერესებს, ამაში გასაკვირი არაფერია.
ბაქრაძის თქმით, ქურმუხის წმინდა გიორგის ტაძარის ირგვლივ განვითარებულ პროცესებთან დაკავშირებით აუცილებელია, რომ საქართველოსა და აზერბაიჯანს შორის არსებობდეს დიალოგი.
ის, რომ ჩვენი ეროვნული ძეგლი გვაინტერესებს, რა მდგომარეობაშია აზერბაიჯანში, ამაში არაფერია გასაკვირი. როდესაც არსებობს სახელმწიფო, სწორედ ასეთ საკითხებზე უნდა მიდიოდეს საუბარი. ქურმუხი აშენებულია იმ დროს, როცა უკვე დიდი ხანია, საუკუნეების განმავლობაში არარ არსებობდა ალბანეთის სახელმწიფო. ამიტომ არანაირი კავშირი არ შეიძლება ქურმუხსა (თუნდაც რომ გავიზიაროთ ეს თეორია) და ამათ შორის არ არის. ცხადზე ცხადია, რომ ქურმუხი არის ქართული ძეგლი და ჩვენ რომ ეს გვაინტერესებს, ისევე როგორც თურქეთში ასებული ძეგლები და ა.შ. ეს არის ბუნებრივი და სახელმწიფოებს შორის ამასთან დაკავშირებით უნდა არსებობდეს დიალოგი და მოლაპარაკებები”. – ამბობს ლაშა ბაქრაძე.
საგარეო საქმეთა სამინისტრო ამ დრომდე არ გამოხმაურებია ოფიციალური ბაქოს სახელით ქურმუხის წმინდა გიორგის ტაძრის ირგვლივ გავრცელებულ განცხადებას და ბრალდებებს საპატრიარქოს მისამართით.
შეგახსნებეთ, რომ 24 სექტემბერს, საქართველოს საპატრიარქომ განცხადება გაავრცელა, სადაც დაწერა, რომ ისტორიულ ჰერეთში, ქურმუხის წმინდა გიორგის ტაძარში და მის მიმდებარე ტერიტორიაზე მიმდინარე სამუშაოები შემაშფოთებელია, რადგან მათი მიზანი და საფუძველი გაურკვეველია. განცხადების მიხედვით, საპატრიარქოს აზერბაიჯანის შესაბამისი უწყებებისგან ამ სამუშაოების შესახებ ინფორმაცია არ მიუღია და კითხვები აქვს — რა სამუშაოები ტარდება, რა კვლევებს ეფუძნება ისინი, ვინ ახორციელებს და როგორ არის უზრუნველყოფილი ქართული კულტურული მემკვიდრეობის ძეგლის დაცვა.
აზერბაიჯანის მხარემ საპატრიარქოს გუშინ განცხადებითვე უპასუხა, სადაც იწმუნება, რომ მათ ტერიტორიაზე მდებარე ყველა ისტორიული, კულტურული და რელიგიური ძეგლი აზერბაიჯანელი ხალხისა და სახელმწიფოს ეროვნული მემკვიდრეობის განუყოფელი ნაწილია.
შესაბამისად, მათი თქმით, საპატრიარქოს პოზიცია ორ ქვეყანას შორის არსებულ სტრატეგიულ და მეგობრულ ურთიერთობებს ეწინააღმდეგება.
აზერბაიჯანული მხარის განცხადებით, მიუღებელია ქვეყნის ტერიტორიაზე არსებული გეოგრაფიული და ისტორიული ტოპონიმების