სოციალურ ქსელში მამუკა მდინარაძის ოფიციალური Facebook-გვერდი აღარ იძებნება.
27 აგვისტოს გამართულ ბრიფინგზე მამუკა მდინარაძემ განაცხადა, რომ ტოვებდა რეგიონული განვითარების მინისტრის თანამდებობას და პოლიტიკასაც. მანამდე, არასრულ ერთ წელში, მდინარაძემ სამი თანამდებობა გამოიცვალა.
ის არასრული 8 თვე ხელმძღვანელობდა სუს-ს, რომლის უფროსადაც 6 წლის ვადით იყო დამტკიცებული. ამ პერიოდში ირაკლი კობახიძის განკარგულებით მას 7 წოდება მიენიჭა, თანამდებობის დატოვებამდე ერთი დღით ადრე გახდა გენერალ-მაიორიც. ამის შემდეგ მდინარაძე სახელმწიფო მინისტრად დანიშნეს სამართალდამცავი ორგანოების კოორდინაციის საკითხებში – ამ თანამდებობაზე მან 3 თვე გაატარა. 26 ივლისს, ის რეგიონული განვითარების მინისტრად დაინიშნა.
მინისტრად მას სექტემბრის პირველ კვირამდე – რეგიონული განვითარების სამინისტროს გაუქმებამდე უნდა ემუშავა, შემდეგ კი მისთვის ახალი პოსტი შეიქმნებოდა. მდინარაძის წასვლის შემდეგ ინფრასტრუქტურისა და რეგიონული განვითარების სამინისტროები კვლავ გაერთიანდა, მისი ყოფილი პოსტი კი გაუქმდა