მუსიკოსი გია ბაღაშვილი მამუკა ონაშვილის გარდაცვალებასთან დაკავშირებით სოციალურ ქსელში ემოციურ პოსტს აქვეყნებს.
“აღარ მყავს ჩემი მამუკა! ჩემი ბაჯაღლო გულის კაცი, ცარიელი გული, უნიჭიერესი, უღალატო, თბილი, სიყვარულით სავსე,…
ეს რა ქენი ბიჭო?! როგორ გამოგვეცალე ძმაო! მოგიკვდეს ჩემი თავი! ცრემლები მახრჩობს…
გახსოვს კოვიდი რომ დაგემართა, აქეთ რომ გვამშვიდებდი არაფერი მომივა, ამან რა უნდა მიქნასო…
გახსოვს, პალატაში ცხელი ელარჯი რომ ამოგიტანე, შენ რომ ზეწარი აიფარე და საწოლის ქვეშ შეძვერი არ გადაგედოსო…
გახსოვს, დოიჯას ამბებს რომ ვიხსენებდით, სულ იმას იმეორებდი, როგორ დამტოვაო…
გახსოვს, სტუმრები რომ გყავდა, თამადა იყავი, ბანკეტიდან ფილარმონიაში კონცერტზე მკვდარი რომ მოხვედი და მთხოვე, აზრზე რომ მოვიდე ამ ვისკის ბოთლს ჩავცლი და სცენაზე გამიშვი, არაფერი შემეშლებაო… რომ გაგიშვი და მართლა არაფერი შეგშლია…
შენ არასოდეს, არავისთან არაფერი შეგშლია! კაცურად იცხოვრე და კაცის სახელით წახვედი!.. მაგრამ რატომ ასე ადრე?!.. რატომ?!…
გენაცვალე მამუკა, ღმერთმა დაგიმკვიდროს სასუფეველი ჩემო უსაყვარლესო ძმაო!” – წერს გია მაღაშვილი “ფეისბუქში”.
მომღერალი მამუკა ონაშვილი ავტოსაგზაო შემთხვევას ემსხვერპლა. იგი 2 დღის წინ ნატახტართან ავარიაში მოყვა, რის შედეგადაც მძიმედ დაშავდა. მომღერალი “პირველ საუნივერსიტეტო კლინიკაში” მართვით სუნთქვაზე იმყოფებოდა. ავტომობილი, რომელშიც, ონაშვილი მძღოლის გვერდით იჯდა, დაბრუნდა. საჭეს 22 წლის ბიჭი მართავდა, რომელიც საავამდყოფოში გარდაიცვალა.