ირაკლი მიმინოშვილი დღეს ციხეში 21 წლის გახდა.
ირაკლი 19 წლის იყო, როდესაც დააკავეს 2024 წლის დეკემბერში. ის თავის მეორე დაბადების დღეს ხვდება ციხეში.
ირაკლი მიმინოშვილი დაკავებამდე სტუდენტი იყო და პარალელურად კურიერად მუშაობდა. იგი 2024 წლის 4 დეკემბერს დააკავეს მას შემდეგ, რაც სამართალდამცავებმა მისი საცხოვრებელი სახლი გაჩხრიკეს. პროკურატურა მას აქციებზე კანონდარღვევებს ედავებოდა. აღსანიშნავია, რომ სოციალურ ქსელებში ვრცელდებოდა მიზანმიმართული დეზინფორმაცია, თითქოს მან პოლიციელს პიროტექნიკა ესროლა და მძიმედ დააშავა, თუმცა ფაქტების გადამმოწმებლებმა ეს უარყვეს, რადგან მსგავსი რამ საქმის მასალებში არ ფიგურირებს.
ირაკლი მიმინოშვილი წარდგენილ ბრალდებაში დანაშაულს არ აღიარებს. სასამართლო პროცესზე მან განაცხადა: „თავს დამნაშავედ არ ვცნობ, ვერ გავიგე აქ რისთვის ვარ“.