ბათუმიდან აფრენილი მცირე ზომის კერძო თვითმფრინავი თურქეთის სანაპიროსთან ზღვაში ავარიულად დაეშვა – ინფორმაციას თურქული მედია ქვეყნის ტრანსპორტისა და ინფრასტრუქტურის სამინისტროზე დაყრდნობით ავრცელებს.
მედია წერს, რომ ბორტზე მყოფი პირები, რომლებიც მაშველებმა გადაარჩინეს, კაჩკარის სახელმწიფო საავადმყოფოში გადაიყვანეს.
ტრანსპორტისა და ინფრასტრუქტურის სამინისტრო პირველ ოფიციალურ განცხადებაში აღნიშნავს, რომ მცირე ზომის კერძო თვითმფრინავი საფრანგეთში რეგისტრირებულ WT9-ია.
განცხადებაში ნათქვამია, რომ საფრანგეთში რეგისტრირებულ WT9 თვითმფრინავზე, რომელიც დღეს 12:32 საათზე ასრულებდა VFR (ვიზუალურ ფრენას) ძრავის გაუმართაობის გამო საგანგებო მდგომარეობა გამოცხადდა და რეისი რიზე-ართვინის აეროპორტში გადამისამართდა.
განცხადებაში ნათქვამია, რომ თვითმფრინავი ზღვაში რიზე-ართვინის აეროპორტიდან ჩრდილო-დასავლეთით დაახლოებით 4 საზღვაო მილის დაშორებით დაეშვა.
რიზეს გუბერნატორის ინფორმაციით, გადარჩენილები ბელგიის მოქალაქეები, 55 და 69 წლის მოქალაქეები არიან.
მედიის ცნობით, გადარჩენილები ვლასელერ ვერნერი და კრისტიან ფაიფერი არიან.
მისივე განცხადებით, წინასარი ინფორმაციით, თვითმფრინავს ძრავის გაუმართაობა აღენიშნებოდა.
ამის პარალელურად, თურქეთის შინაგან საქმეთა სამინისტრომ გაავრცელა კადრები, სადაც ნაჩვენებია ორი ადამიანის გადარჩენის კადრები.
სამინისტროს მიერ სამაშველო სამუშაოების შესახებ გაკეთებული განცხადების თანახმად, სამძებრო-სამაშველო სამსახურის მთავარმა კოორდინაციის ცენტრმა (AAKKM) სანაპირო დაცვის სარდლობას აცნობა, რომ ბაღვაშის აეროპორტიდან ორდუ-გირესუნის აეროპორტში მიმავალი კერძო თვითმფრინავი რიზე-ართვინის აეროპორტთან ახლოს ზღვაში ძრავის გაუმართაობის გამო ავარიული დაშვება განახორციელა.
ამის შემდეგ, სანაპირო დაცვის ერთი გემი, ორი ნავი და ერთი მყვინთავთა ჯგუფი გაიგზავნა რეგიონში. ადგილზე ჩასვლისთანავე, დანაყოფებმა გადაარჩინეს ორი ადამიანი, რომლებიც გონზე იყვნენ და ზღვის ზედაპირზე მდებარე თვითმფრინავში იმყოფებოდნენ.