ბევრ ქალაქსა და თემში ღამიდან მოყოლებული გრძელდება რუსული თავდასხმის შედეგების ლიკვიდაცია: მხოლოდ კიევსა და ოლქში თითქმის 350 მაშველია ჩართული – ამის შესახებ უკრაინის პრეზიდენტი, ვოლოდიმირ ზელენსკიმ განაცხადა.
“დარტყმისას გამოყენებული იყო დიდი რაოდენობით რეაქტიული დრონი და ბალისტიკა. სამწუხაროდ, არის საცხოვრებელი და სამოქალაქო ინფრასტრუქტურის ნგრევა. ბორისპილში დაზიანდა ჩვეულებრივი ხუთსართულიანი შენობა. ევაკუირებულია ორმოცდაათი ადამიანი. საჭირო სამსახურები ადგილზე იმყოფებიან. დარტყმები განხორციელდა საწარმოებზეც. მთლიანად ქალაქში 4 დაღუპული და 13 დაშავებულია. ვუსამძიმრებ მათ.
საღამოდან მოყოლებული გრძელდებოდა დარტყმები მართვადი ავიაბომბებითა და დრონებით ოდესასა და რეგიონზე. ათასობით ოჯახი ელექტრომომარაგების გარეშე დარჩა, მიმდინარეობს სამუშაოები, რათა ადამიანებს შუქი ოპერატიულად აღუდგეთ.
დემონსტრაციულად დააზიანეს რუმინეთის საზღვარზე მდებარე გამშვები პუნქტი, ასევე საექსპორტო ინფრასტრუქტურა. კიევში სარკინიგზო დეპოზე დარტყმით 7 ადამიანი მოკლეს. დაბომბვის ქვეშ ასევე იყვნენ ხერსონის, დონეცკის, ზაპოროჟიეს, ხარკოვის, ჩერნიგოვის, ჟიტომირის, სუმისა და დნიპროპეტროვსკის ოლქები. საერთო ჯამში, თავდასხმის შედეგად 12 ადამიანი დაიღუპა, მათ შორის ინდოეთის მოქალაქე, კიდევ ათობით დაიჭრა. ვუსამძიმრებ ყველას, ვინც დაკარგა ნათესავები და ახლობლები.
რუსეთი თავის დარტყმებს ყოველთვის ზუსტად გეგმავს, რომ მაქსიმალურად გაანადგუროს სიცოცხლე, და ეს მას მხოლოდ მაშინ გამოსდის, როდესაც საჰაერო თავდაცვის საშუალებები არ არის საკმარისი. მადლობელი ვარ ყველასი, ვინც ეხმარება უკრაინას ანტიბალისტიკური სისტემების მიღებაში PURL-ისა და ორმხრივი მოწოდებების ფარგლებში, და ძალიან მნიშვნელოვანია, რომ შემოდგომაზე ეს შემოსავლები გაიზარდოს.
რუსული ტერორის მსხვერპლთა რაოდენობა პირდაპირ არის დამოკიდებული დახმარების თითოეულ ახალ პაკეტზე. მადლობას ვუხდი ყველას, ვინც ეხმარება უკრაინას იყოს უფრო მედეგი.” – ნათქვამია პრეზიდენტ ზელენსკის განცხადებაში.