თამარ ბაჩალიაშვილის დედა, თეონა თამაზაშვილი ამბობს, რომ პროკურატურაში შეხვედრაზე დაიბარეს

გარდაცვლილი პროგრამისტის, თამარ ბაჩალიაშვილის დედა, თეონა თამაზაშვილი ამბობს, რომ პროკურატურაში შეხვედრაზე დაიბარეს. მისი თქმით, უწყებაში დღეს, 17:00 საათზე მივა:
„დამირეკეს პროკურატურიდან და დამიბარეს დღეს 17:00 საათზე შეხვედრაზე. შეხვედრის შედეგებს მოგვიანებით გაცნობებთ…“ – წერს თამაზაშვილი.
ბაჩალიაშვილის დედამ გუშინ სოციალურ ქსელში დაწერა, რომ ყოველ ორშაბათს დილის 11:00 საათიდან 15:00 საათამდე მივიდოდა პროკურატურაში და მოითხოვდა სიმართლის დადგენას. ოჯახი ითხოვს საქმის ხელახალ გამოძიებას და მუხლის გადაკვალიფიცირებას.