“კოალიცია ცვილებისთვის” და “სტრატეგია აღმაშენებელი” ემიგრანტებისთვის ხმის მიცემის უფლების დასაბრუნებლად საკონსტიტუციო სარჩელის მოსამზადებლად კამპანიას – “ემიგრანტის ხმა” იწყებენ.
“კოალიცია ცვლილებისთვის” და “სტრატეგია აღმაშენებლის” ერთობლივი პროექტი, კამპანია “ემიგრანტის ხმა” ძირითად ფაზაშია. ქართველ ემიგრანტებს 2025 წელს რეჟიმმა ჩამოართვა საარჩევნო ხმის უფლება. 2024 წლის გაყალბებულ არჩევნებში ემიგრანტების ხმის მხოლოდ 13,4% ხმა ჰქონდა ქართულ ცნებას, ხოლო პარტიულ რიგითობაში მეოთხე ადგილზე გავიდა. ამის შემდეგ ცხადი იყო, რომ “ქართული ოცნება” ჩამოართმევდა ემიგრანტებს ხმას.
იმ ადამიანებს, რომლებიც ვერ მოისყიდა, ვერ გატეხა და ვერ შეაშინა. ქართველი ემიგრანტებისთვის ხმის უფლების ჩამორთმევა არის კონსტიტუციის დარღვევა, ასევე ღალატი იმ ადამიანებიც ვინც ქართული ეკონომიკის და სახელმწიფოს მთავარი კონტრიბუტორია…
შემოგვიერთდით ჯგუფში ემიგრანტის ხმა. ეს არის ახალი კამპანია, რომელიც აღნიშნული პოლიტიკური პარტიების მიერაა დაინიცირებული და ასევე, ჩვენ გვჭირდება ბევრი ემიგრანტის ხელმოწერა, პეტიციაზე – ემიგრანტის ხმა, რათა ჩვენ საბოლოო ჯამში პოლიტიკურთან ერთად სამართლებრივი გზით ვიბრძოლოთ რეჟიმის წინააღმდეგ და საკონსტიტუციო სარჩელით ცხადვყოთ და ჩვენი არგუმენტაციით დავამტკიცოთ, რომ არჩევნებში ემიგრანეტბის მონაწილეობა არის მნიშვნელოვანი და კონსტიტუციასთან შესაბამისი ” – განაცხადა “კოალიცია ცვლილებისთვის” წარმომადგენელმა თენგო თევზაძემ.
გასული წლის 17 დეკემბერს “ქართულმა ოცნებამ” საარჩევნო კოდექსის ახალი რედაქცია დაამტკიცა, რომლის მიხედვითაც საზღვარგარეთ მცხოვრები საქართველოს მოქალაქეებისთვის უცხო ქვეყანაში ხმის მიცემა აიკრძალა.