სომხების შეურაცხმყოფელი განცხადებების გამო სომხეთში რუს ბლოგერს, ნადეჟდა პიროჟკოვას ბრალი წარუდგინეს. ადგილობრივი მედიის ინფორმაციით, მან გამოაქვეყნა ვიდეო, სადაც ჩიოდა, რომ სომხეთში, დღესასწაულ ვარდავარზე მისი სურვილის საწინააღმდეგოდ წყალი შეასხეს.
აღნიშნულ ვიდეოში ის ამბობდა, რომ ეს დღესასწაული “აგრესიულია”, თავად სომხები კი “ვირთხისმაგვარები” არიან. ცნობილი ხდება, რომ ბრალდების წარდგენის შესახებ ინფორმაცია პოლონურმა რუსულენოვანმა მედიასაშუალება Вот Так-მა სომხეთის საგამოძიებო კომიტეტზე დაყრდნობით გაავრცელა.
მოგვიანებით, აღნიშნული განცხადებებისა და ბრალის წარდგენის შემდეგ, ბლოგერმა საჯარო ბოდიში მოიხადა: “მესმის, რომ ბევრმა ეს სომხური ხალხისადმი უპატივცემულობად მიიღო. ამას გულწრფელად ვინანიებ. ასეთი განზრახვა არც მქონია და არც მაქვს. კონკრეტული სიტუაციის შესახებ ემოციური ვიდეო ჩავწერე და იმ მომენტში არსებული განწყობით ვისაუბრე. იმ დროს თავს დაუცველად ვგრძნობდი და საკუთარი თავის დაცვა მინდოდა. […] სთორის გამოქვეყნებისას ხმაც არ შემიმოწმებია, თორემ ეს ინტერნეტში არ მოხვდებოდა” – თქვა მან