თბილისში, ბერიძის ქუჩაზე სასტუმროს მშენებლობას ადგილობრივები უპირისპირდებიან. მათი თქმით, სამშენებლო სამუშაოების დაწყების შემდეგ იტალიური ეზოს საცხოვრებელი სახლები დაიბზარა, დაზიანებები კი დროთა განმავლობაში კიდევ უფრო გაიზარდა.
მოსახლეობა აცხადებს, რომ კუთვნილ საცხოვრებელში ყოფნა უკვე საფრთხის შემცველია. მათი თქმით, კომპანია “ძველ ქუჩას” ზარალის ანაზღარურების მოთხოვნით მიმართეს, თუმცა როგორც ადგილობრივები ყვებიან, კომპანიამ ერთ-ერთი მაცხოვრებლის სახლის დემონტაჟის დროს კიდევ ორი გვერდზე მდგომი სახლი დააზიანა.
ადგილობრივები ამბობენ, რომ საქმე შერჩევით სამართალს ეხება და მათი მოთხოვნები არ კმაყოფილდება.
“არქიტექტურამ როგორ გასცა ნებართვა, რომ საერთო კედელი ასე მოინგრეს ისე, რომ ჩვენი არც თანხმობა აქვთ, არც იმას ამბოლბენ, ჩვენ შემდეგ აგვიშენდება – არ აგვიშენდება… ჩვენ ხალხი არ ვართ? თითქოს ისეთი ექსპერტიზა აქვთ, რომ იმ სახლის დემონტაჟს და მშენებლობას ჩვენს სახლზე გავლენა ვერ უნდა მოეხდინა. აი, გადაუღეთ და ნახეთ, როგორი ექსპერტიზა აქვთ ჩატარებული. ვიყავით კალაძესთან, შეხვედრა იყო ბატონ კახისთან, გადააბარა ბენდელიანთან, ვიყავით ბენდელიანთანაც და გამოგვისტუმრეს ასე, რომ თუ გინდათ ქირებს გადაგიხდითო” – ამბობს ადგილობრივი.