ექიმი, გიორგი ახობაძე ხელბორკილების დადებას სახლთან ელოდება.
მედიკოსი განმარტავს, რომ 8-თვიანი პატიმრობისადა მისი საქმის უზენაესში დასრულების შემდეგაც კი საგამოძიებო უწყებამ მობილური ტელეფონი არ დაუბრუნა, რის შემდეგაც გამომძიებელ გრიგოლ კაჭკაჭიშვილს დაურეკა, შემდეგ კი საუბრის შინაარსი Facebook პოსტში აღწერა.
“ერთადერთი თუ მომკლავთ და თუ გინდათ მაგასაც ეცადეთ, დანარჩენი ვერ გამაჩერებთ ვერანაირად, ყოველთვის გეტყვით, რაც სათქმელია პირში” – ამბობს გიორგი ახობაძე.
ძალიან საინტერესოა იქიდან გამომდინარე, რა მოხდა გუშინწინ ჩვენთან ქალაქში, როგორც ვიცით, გამოძიების დროს ჩამორთმეული იარაღი უკან დაუბრუნეს არანორმალურს, რომელიც ქუჩაში დარბის და ბავშვებს კლავს.
ახლა რა სიტუაცია იყო ჩემთან დაკავშირებით, მაშინ როცა ნარკოტიკი ჩამიდეს და ტელეფონი ჩამომართვეს გამოძიებისთვის და ექსპერტიზისთვის ჰქონდათ წაღებული, მორჩა ეს საქმე, უზენაესშიც დასრულდა და აღარაფერი ამ საქმეს აღარ სჭირდება, როგორც ჩემ ადვოკატებთან გავიარე, ჩემი ნივთები უნდა დამიბრუნონ.
მოვითხოვე ჩემი ნივთის დაბრუნება, მივედი კაპეზეს შენობაში, როგორც წესი და რიგია, დავწერე განცხადება, მოვითხოვე, რომ დაებრუნებინათ ნივთი. არავინ არ შემხმიანებია დაახლოებით 3 კვირის მანძილზე. შემდეგ დავრეკე კანცელარიაში, სადაც წერილი დავტოვე და მოვიკითხე რა ხდება-თქო. დაგირეკავს გამომძიებელიო – ასე მითხრეს. ველოდე რაღაც პერიოდი, არ დამირეკა, მერე კიდე დავრეკე, კიდე არ დამირეკა, კიდე დავრეკე და მითხრეს, გამომძიებელმა ასე გვითხრა ჩასული ვიყავი და არავინ არ დამხვდაო. კიდევ რომ დავრეკე, მითხრეს გამომძიებელმა ცოლი მოიყვანა და ხანმოკლე შვებულებაშიაო.
მერე, გამომძიებელი ვინც იყო, გრიგოლ კაჭკაჭიშვილი, ჩამდები ძაღლი რომ არის, მისი ნომერი გავარკვიე და დავურეკე, რომ ჩემი ტელეფონი როგორ დავიბრუნო-მეთქი. ჯერ ვითომ ვერ გამიხსენა, მერე გავახსენე 11-ვე ცრუ მოწმე, ჩამდები ძაღლები, ვინც ჩემ საქმეში ფიგურირებდნენ, აი თქვენ, რომ ჩამიდეთ ერთი ტონა ნარკოტიკი, ეგ გიორგი ახობაძე ვარ-მეთქი და ჩემი ტელეფონი როგორ დავიბრუნო-მეთქი. მე იქ აღარ ვმუშაობ, სუს-ში ვმუშაობო, დააწინაურეს ეგ ცრუ მოწმე და ჩამდები ძაღლი. კარგი, მაშინ მივმართავ ვისაც სჭიროა და მოდი მე და შენ გავერკვეთ, თუ მეთანხმები – ყველა ჩამდები პოლიციელის დედა მო***ან-მეთი, კაი წავედიო, საწყალი ხმით [მითხრა], მერე მეორეჯერ გავუმეორე, კაი შენ თუ არ მეთანხმები მე გეტყვი – ყველა ჩამდები პოლიციელის დედა მო***ან-მეთი.
ეს მოხდა მასთან სატელეფონო საუბრისას და მერე ეს ამბავი მოვყევი Facebook პოსტში. ძაან სასიამოვნოა, როცა იმ პოლიციელს ესაუბრები, რომელმაც ნარკოტიკი ჩაგიდო და ეუბნები. ეს იყო.
გარდა ამისა, ცკპდ-ში (ცენტრალური კრიმინალური პოლიციის დეპარტამენტი) ყველანაირ ზღვარს გადასცდნენ, ტელეფონს მითიშავდნენ, ამაზე უკვე ემოციებში… მარადიორები არიან, რუსი მარადიორები უნიტაზებს, რომ დაათრევდნენ. ამ ყველაფერს მოჰყვა.
ერთადერთი თუ მომკლავთ და თუ გინდათ მაგასაც ეცადეთ, დანარჩენი ვერ გამაჩერებთ ვერანაირად, ყოველთვის გეტყვით, რაც სათქმელია პირში,” – განაცხადა გიორგი ახობაძემ.
ცნობისთვის, მას სასამართლომ 25-დღიანი პატიმრობა შეუფარდა. გადაწყვეტილება მოსამართლე მანუჩარ ცაცუამ მიიღო.