ცნობილი იტალიელი ექიმი, ვარეზეს პროვინციის ექიმთა კავშირის თავმჯდომარე რობერტო სტელა კორონავირუსით გამოწვეული დაავადებისგან გარდაიცვალა.
მედიის ინფორმაციით, ის მძიმე მდგომარეობით რამდენიმე დღის წინ იყო ჰოსპიტალიზებული. კერძოდ, ექიმს სუნთქვის უკმარისობა ჰქონდა. კოლეგებმა მას კორონავირუსით ინფიცირება დაუდგინეს.
იტალიის პრემიერ-მინისტრის გადაწყვეტილებით, კორონავირუსის ეპიდემიის გამო 10 მარტიდან იტალიის მთელ ტერიტორიაზე კარანტინი დაწესდა. პრემიერ-მინისტრ ჯუზეპე კონტეს განცხადებით, კარანტინი 3 აპრილამდე იქნება ძალაში.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.