“ჩემი აზრი თელავში სასტუმროში მომხდარ ამბავზე, +18” – ამის შესახებ მიშა მესხი სოციალურ ქსელში წერს და ვიდეოს აქვეყნებს.
ცნობისთვის, ინციდენტი თელავში, სასტუმრო Agarani Estate-ში 18 ივლისს მოხდა. გავრცელებული ინფორმაციით, ქორწილის სტუმრებს რუსულენოვანმა ქალებმა ნომრის აივნიდან შეურაცხყოფა მიაყენეს და სხვადასხვა სახის სითხე გადაასხეს, რის შემდეგაც მათთან ნომერში ქორწილის მონაწილე დასალაპარაკებლად ავიდა, რასაც ფიზიკური დაპირისპირება მოჰყვა. მოგვიანებით, უცხოეთის მოქალაქეებმა დამონტაჟებული ვიდეო სოციალურ ქსელში გაავრცელეს, ისინი ამტკიცებენ, რომ ქართველი კაცი თავს რუსულ ენაზე საუბრის გამო დაესხა.
მომხდარზე დაკავებული პირი გიორგი ჭიღლაძე, რომელმაც ქალს ფიზიკური დაზიანება მიაყენა, სასამართლოდან გაათავისუფლეს და მას აღკვეთის ღონისძიების სახით 5 000-ლარიანი გირაო შეეფარდა.