გამოკითხვების სერია თელავის პოლიციაში – ამ წუთებში სასტუმრო “აგარანის” თანამშრომლები იკითხებიან.
პოლიციის შენობაში შესვლამდე, სასტუმროს თანამშრომლები არ უარყოფენ, რომ მათ ქორწილის სტუმრებმა დახმარებისა და რუსი დამსვენებლების განეიტრალების მოთხოვნით მიმართეს.
რაც შეეხებათ რუს ტრისტებს, ალიონა ნესტერიუკსა და მის სამეგობროს, უკვე შეხვდა ჟურნალისტი ზაზა დავითაია.
მისი თქმით, ქალს ტვინის შერყევა აღენიშნება, რაც შეეხება კონფლიქტის გამომწვევ მიზეზს, დავითაია ვერ გამორიცხავს, რომ 29 წლის გიორგი ჭიღლაძის გაღიზიენება რუსი ქალების რეპლიკებს გამოეწვია.
“აქვს საკმაოდ მძიმე ფორმის ტვინის შერყევა. იმის მიუხედავად, რომ თითქოს გარეგნულად მხნედ არის და არ ეტყობა თავდასხმის კვალი, არის ძალიან დათრგუნული, შეშინებული და შეშფოთებული. იმის მტკიცებულება, რომ ვიღაცამ წყალი და მით უფრო შარდი გადაასხა, არ არსებობს. ეს ალბათ ვიღაცას უტრირებისთვის დასჭირდა, რომ ამ სამწუხარო ფაქტს ფონად დასდებოდა.
შეიძლება ასეთი კადრები [სადაც მოქალაქეები რუს ტურისტებს გაჩერებისკენ მოუწოდებენ] არსებობს. მე ვერ დავდებ თავს, რომ გოგონების მხარე აბსოლუტურად მართალი იყო ქორწილში შეყრილ საზოგადოებასთან”- თქვა მან.