“ერთიანი ნაციონალური“ მოძრაობის წევრი, ირაკლი ფავლენიშვილი აცხადებს, რომ რიყის თეატრის ნგრევას საფუძვლად უდევს პირადი შურისძიება, რადგან, მისი თქმით, მიხეილ სააკაშვილი ძალიან აქტიურად იყო ჩართული ამ პროექტში, სწორედ მას სურდა, რომ ეს პროქტი შემდგარიყო.
ოპოზიციონერი ლიდერი ამბობს, რომ ბიძინა ივანიშვილი ქვეყნის ნგრევასთან ერთად, რიყის დოქებსაც მიადგა, რადგან თავიდანვე მას სურდა, რომ ამ ადგილას ფრინველის გამოსახულებიანი შენობა აშენებულიყო, თუმცა, უარი მიიღო.
ფავლენიშვილის თქმით, “ნაციონალური მოძრაობა“ ყველა ბერკეტს გამოიყენებს, რათა “შეჩერდეს ნგრევის პროცესი ამნ უმნიშვნელოვანესი არქიტექტურული ნიმუშის“.
“ივანიშვილს სძულს ყველაფერი, რაც უკავშირდება აღმშენებლობის 9 – წლიან პერიოდს, ამიტომაც, მან შემოგვთავაზა ნგრევის 14 წელიწადი. როცა ვსაუბრობთ ივანიშვილის დანგრეულ საქართველოზე, საუბარია არამხოლოდ ინსტიტუციებზე, არამედ ინფრასტრუქტურაზე და ახლა ის მიაგდა რიყის თეატრს, რომელიც არის ერთ-ერთი საუკეთესო არქიტექტურული შედევრი 2010 წლების, არა მხოლოდ საქართველოში, არამედ ასეა აღიარებული მთელი ევროპის მიერ. მაქსიმილიანო ფუკსასის არქიტექტურული ნიმუში, რომელიც უნდა ყოფილიყო სავიზიტო ბარათი თბილისის, კულტურული ცენტრი. როცა ვსაუბრობთ ჩვენ რიყის თეატრის ნგრევაზე, ამას უდევს პირადი შურისძიება საფუძვლად, რადგან ვიცით, რომ მიხეილ სააკაშვილი ძალიან აქტიურად იყო ჩართული ამ პროექტში, სწორედ მას სურდა, რომ ეს პროქტი შემდგარიყო და შეექმნა ისეთი შენობა, რომელიც უმასპინძლებდა ყველაზე მაღალი დონის კონცერტებს. ამიტომ, ერთის მხრივ ისინი ებრძვიან არა მხოლოდ ქართულ სახელმწიფოს ინფრაქსრუქტურას, თბილისს, კულტურას. სხვათაშორის, ერთი მნიშვნელოვანი დეტალი, რაც ბევრმა არ იცის, ივანიშვილს სურდა ამ ადგილას აშენებულიყო ფრინველის ფორმის შენობა, რომელიც დაამახინჯებდა იქაურობას, აბსოლუტურად შეუცვლიდა რეკრეაციულ ფუნქციას და იერსახეს რიყეს და როდესაც უარი უთხრეს ამაზე, ის არის აბსოლუტურად გაბოროტებული, ამ შენობის მიმართ. ამიტომაც, ჯერ მოხდა მისი გავერანება, გამოზნული, ახლა კი მისი დანგრევაა განზარხული. ამ ძეგლის ავტორი არის არათუ აღშფოთებული, არამედ გაოცებულია, რადგან მსოფლიოს ფაქტობრივად არ ახსოვს, რომ ასეთი მაღალი აღიარების მქონე ძეგლი, მისი ნგრევა არის აბსოლუტურად ბარბაროსული ფაქტი, რომლის ანალოგი არ იძებნება ბოლო წლების მანძილზე. ეს არის მიუღებელი და “ნაციონალური მოძრაობა“ კიდევ ერთხელ ამბობს, რომ ივანიშვილის მიერ ზოგადად ქვეყნის ნგრევის პროცესის შეჩერება აუცილებელია, ამ მიმართულებით ჩვენ გვექნება კონტაქტი ყველასთან, მათ შორის ჩვენს კოლეგებთანაც, პარტნიორებთანაც, რომ შეჩერდეს ნგრევის პროცესი ამნ უმნიშვნელოვანესი არქიტექტურული ნიმუშის” – განაცხადა ფავლენიშვილმა.
იტალიური არქიტექტურული ბიურო Studio Fuksas ე.წ. რიყის დოქების დაგეგმილი დემონტაჟის შეჩერებას და შენობისთვის ახალი ფუნქციის მოძიებას ითხოვს. მათ განცხადებას გამოცემა Dezeen ავრცელებს.
Studio Fuksas აცხადებს, რომ გასული ერთი წლის განმავლობაში არაერთხელ სცადა დაკავშირებოდნენ თბილისის ხელისუფლებასა და შენობის მფლობელებს, თუმცა პასუხი ვერ მიიღო.