ჰოლივუდის ვარსკვლავმა ბრედ პიტმა ცოტა ხნის წინ განცხადება გაავრცელა და აღნიშნა, რომ პროსოპაგნოზიით ანუ სახის სიბრმავით არის დაავადებული.
„არავის სჯერა ჩემი! მსურს, რომ შევხვდე ადამიანს მსგავსი დაავადებით“ – განაცხადა მსახიობმა უცხოურ გამოცემასთან, GQ-სთან ინტერვიუში.
პიტის თქმით, მას 2013 წლიდან აქვს პროსოპაგნოზია (სახის სიბრმავე) – დაავადება, რომელსაც ახასიათებს სახის ამოცნობის უუნარობა. მსახიობის თქმით, სწორედ ეს დაავადება არის მიზეზი, რატომაც ტოვებს სახლს იშვიათად. CNN-ის ცნობით, პიტისთვის ოფიციალური დიაგნოზი არ დაუსვამთ
მკვლევარები ამბობენ, რომ პროსოპაგნოზია შესაძლოა, 50-იდან 1 ადამიანს დაემართოს რაღაც ხარისხში. ამ დაავადების მძიმე გამოვლინების შემთხვევაში, ადამიანებს უჭირთ საკუთარი ოჯახის წევრების ამოცნობაც