პარიზში გამართული „ბალენსიაგას“ ჩვენების წინ დემნა გვასალიას ემოციური წინასიტყვაობა ჰქონდა. აღნიშნული წერილი გულშემატკივრების აზრით, აფხაზეთსა და საქართველოს ეძღვნებოდა, თუმცა მოგვიანებით დემნამ განმარტა, რომ ხელოვნებას და ქმარს მიუძღვნა.
“je t’aim ყველაზე ლამაზი სიტყვაა ჩემთვის. კუტიური, ის, რასაც მე ვაკეთებ, არის ერთადერთი რამ, რისი შექმნაც მინდა ახლაც და მომავალშიც. ეს სასიყვარულო წერილი ეძღვნებოდა ჩემი ცხოვრების სიყვარულსა და ჩემს სამუშაოს, ანუ ხელოვნებას და ჩემს ქმარს.“ – აღნიშნა დიზაინერმა ჟურნალ Vogue-თან საუბრისას.
შეგახსენებთ, რომ დემნა მომღერალ ლოიკ გომესზე 2016 წელს დაინიშნა. ისინი ერთი წლის შემდეგ დაქორწინდნენ, წყვილი ამჟამად შვეიცარიაში, ტყესთან ახლოს მდებარე სახლში ცხოვრობს. ლოიკი გვასალიაზე 12 წლით უმცროსია.