8 ოპოზციონერი პოლიტიკოსის წინააღმდეგ დღეს პროკურატურამ სასამართლოში მიიყვანა მოწმე, რომელმაც ჩვენება ლევან ხაბეიშვილის წინააღმდეგაც მისცა, თუმცა ხაბეიშვილი ამ საქმეში ბრალდებული საერთოდ არ არის.
საუბარია პოლიციელ ივანე მაქაცარიზე, რომელიც დღეს გამოსაკითხი 6 მოწმიდან ერთ-ერთია.
როგორც დახურული სასამართლო პროცესიდან გამოსული ადვოკატი, ომარ ფურცელაძე “პირველებს” უყვება, მოწმე გამომძიებელმა სასამართლოს უთხრა, რომ პოლიტიკოსების მხრიდან მოწოდება არ გაუგია .
უფებადამცველის ცნობით, ივანე მაქაცარიამ მიუთითა მხოლოდ ჟესტიკულაციასა და მიმიკაზე და სხდომათა დარბაზში თქვა, რომ პოლიტიკოსები ჟესტებით ენით ესაუბრობდნენ მოქალაქეებს.
დეტექტივის პოზიციაზე თბილისის მთავარ სამმართველოში, ხოლო ახლა გამხდარია ხელმძღვანელი სხვა რაიონში,
ასევე აღსანიშნავია ერთი დეტალი, ომარ ფურცელაძის ინფორმაციით, მოწმე აქციების იყო დეტექტივის პოზიციაზე თბილისის მთავარ სამმართველოში, შემდეგ კი ჩვენების მიცემის სანაცვლოდ დააწინაურეს და გადაიყვანეს სხვა რეგიონში ხელმძღვანელ თანამდებობაზე.
“დღეს გამოიკითხა ადამიანი, რომელიც აქციების დროს იმყოფებოდა დეტექტივის პოზიციაზე თბილისის მთავარ სამმართველოში, ხოლო ახლა გამხდარია ხელმძღვანელი სხვა რაიონში, დაწინაურდა ასე რომ ვთქვათ ჩვენების მიცემის შემდეგ. რაც შეეხება მის მიერ მიცემულ ჩვენებას, ის აჩვენებდა სასამართლოს, რომ რეალურად არ მოუსმენია კონკრეტული მოწოდებები და არ შეუძლია კონკრეტული სიტყვების დასახელება, მაგრამ მისი განცხადებით, ხელის მოძრაობით აჩვენებდნენ პოლიტიკოსები მოქალაქეებს, რომ ეს იყო პარლამენტის შენობა და ამას მიიჩნევს სისხლის სამართლის დანაშაულად. ცინიკური სწორედ ამიტომ არსი ალბათ, რომ სწორედ მსგავსი ჩვენებების საფუძველზე უპირებენ 7 და 15 წლით თავისუფლების აღკვეთას ოპოზინიონერ პოლიტიკოსებს. კიდევ ერთი ინდიკატორია იმის, რომ ბუნებაში შეუძლებელია ამ სისხლის სამართლის საქმეზე მოსმენილი იქნას რაიმე მტკიცებულება ან მოწმე, რაც დაადასტურებდა იმას, რომ ეს არ არის პოლიტიკური დევნა, თორე დამნაშავეობაზე საუბარი ზედმეტია. თითქმის ყველა პოლიტიკოსი ჩამოთვალა ამ ადამიანმა – განსხვავება სხვა მოწმეებისგან გახლდათ ის, რომ ის უთითებდა ჟესტიკულაციასა და მიმიკაზე, რომ თითქოს ჟესტიკულაციით ჯერ აჩვენებდნენ აქციის მონაწილეებს პოლიტიკოსები და შემდეგ თურმე კმაყოფილება გამოეხატათ სახეზე, რაც აქციის მონაწილეები პარლამენტისკენ იწევდნენ”, – აცხადებს ომარ ფურცელაძე.