დასავლეთმა უსაფრთხოების შესახებ რუსეთის გაფრთხილებები არ უნდა უგულებელყოს, – ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.
„არ შეიძლება, ჩვენს მოწინააღმდეგეებმა განუსაზღვრელი ვადით და დაუსჯელად უგულებელყონ ჩვენი მკაფიოდ გამოხატული გაფრთხილებები ჩვენი ქვეყნის ეროვნული უსაფრთხოებისთვის მიუღებელი საფრთხეების შექმნისა და უკრაინის რუსული და რუსულენოვანი მოსახლეობის ლეგიტიმური უფლებების შესახებ ყველა შესაძლო ვალდებულების დარღვევის დაუშვებლობის შესახებ“, – განაცხადა ლავროვმა.
მისი თქმით, დასავლეთის ქვეყნებმა უარი უნდა თქვან მოსკოვის ინტერესების სასიცოცხლო სფეროებში ექსპანსიის ნებისმიერ გეგმაზე.
ლავროვის მტკიცებით, ევროკავშირის ამჟამინდელი პოზიცია უკრაინასთან დაკავშირებით არაადეკვატურია.
ლავროვმა ასევე აღნიშნა, რომ რუსეთი კონფლიქტის დროებით გადაწყვეტას არ დათანხმდება და არავის სიტყვას არ დაეყრდნობა.
„დღეს ბურთი ჩვენს მოედანზე არ არის, თუმცა ისინი სულ უფრო ხშირად ცდილობენ, რომ ის „ოფსაიდიდან“ გადმოგვცენ, პოპულარული მსოფლიო ჩემპიონატის ენაზე რომ ვთქვათ. ასე არ გამოვა“, – განაცხადა რუსეთის საგარეო საქმეთა მინისტრმა.
მისი თქმით, მოსკოვი ვლადიმერ პუტინსა და დონალდ ტრამპს შორის ალასკის სამიტზე მიღწეული შეთანხმებების მიმართ ერთგული რჩება. ლავროვმა ხაზი გაუსვა, რომ მოსკოვს ჯერ არ მიუღია პასუხი უკრაინის შესახებ ამერიკულ წინადადებაზე, რომელსაც რუსეთის ლიდერმა აღნიშნულ შეხვედრაზე მხარი დაუჭირა.