მოკლული მასწავლებლის, გიგა ავალიანის დედა, ეკა კუპატაძე სოციალურ ქსელში წერს, რომ შვილის საქმის გარშემო სამართლებრივი ბრძოლა გრძელდება და აცხადებს, რომ პასუხისმგებელი პირების დასჯის ეტაპზე გადადიან. მისი თქმით, საქმეში მას ადვოკატები და საზოგადოების ნაწილი აქტიურად დაუდგნენ გვერდით.
“🔴🟢 მითქვამს არაერთგზის:
— გაუგონარი სისასტიკით შვილმოკლულ დედას, სახელმწიფოსგან სამართლებრივად შეურაცხყოფილს, უიმედოდ — სრულიად მარტოდ დარჩენილს, ვაჟკაცურად დამიდგა გვერდით ჟურნალისტების და საზოგადოების გარკვეული სეგმენტი.
🟢 ვიცოდი, აუცილებლად ვიპოვიდი ჩემი შვილის წილ სამართალს, მაგრამ არ ვიცოდი როგორ.
🔴 რადგან გამუდმებით მესმოდა:
— მტკიცებულებებით არ დასტურდება! კანონით აღარ შეიძლება! და ა.შ.
🟢 სწორედ მაშინ, უშიშარ ჯარისკაცებად, გამოჩნდნენ ჩემს ცხოვრებაში ადვოკატები: დარეჯან სულაშვილი, თამარ ავალიანი და ზაზა ხატიაშვილი.
✊ მახსოვს, ბატონმა ზაზამ ტელეფონით მკითხა:
— შეაკვდები?
— აბა რა!!! — არნახული სიმტკიცით ვუპასუხე, საკუთარ თავში დაჯერებულმა.
🔴 …. და ჩვენ დავაჩოქეთ, ჩემი შვილის წილი, სამართალი!!!
🟢 დავარწმუნეთ სრულიად საქართველო და სახელმწიფო-ც, ჩემი შვილის სიმართლეში…….
🟢🔴 თუმცაღა, მიუხედავად პროკურატურის ერთსულოვნებისა და თანადგომისა, ისე კარგად ჩაფარცხეს „მამიკოებმა“ საქმე, რომ ბრძოლა გაგვიგრძელდა.
შეიძლება ითქვას, სწორედ ახლა გადადის სერიოზულ სტადიაში, რადგან ვმუშაობთ მთავარი დამნაშავეების დაჭერაზე.
✅ დღეს, საღამოს 21:30 სთ-ზე, ვიქნები პირდაპირ ეთერში, ობიექტივზე, ბატონი ზაზა ხატიაშვილის საავტორო გადაცემაში” – წერს სოციალურ ქსელში მოკლული მასწავლებლის, გიგა ავალიანის დედა, ეკა კუპატაძე.