საქართველოს თავდაცვის ყოფილი მინისტრის, ბაჩო ახალაიას მეუღლე ანი ნადარეიშვილი აცხადებს, რომ ევროპის საბჭოს წამების, არაადამიანური და ღირსების შემლახველი მოპყრობისა და დასჯის პრევენციის ევროპული კომიტეტის (CPT) წარმომადგენლებმა ციხეში ბაჩო ახალაია მოინახულეს.
ამის შესახებ ნადარეიშვილი სოციალურ ქსელში წერს.
„CPT-ს შეუძლია, წინასწარი გაფრთხილების გარეშე შევიდეს საპატიმროებში, გაესაუბროს დაკავებულებს და შემდეგ გამოაქვეყნოს ანგარიში რეკომენდაციებით. მის ანგარიშებს დიდი საერთაშორისო მნიშვნელობა აქვს“, – წერს ნადარეიშვილი.