ნანუკა ჟორჟოლიანი ენმ-ში თავს მენეჯერად განიხილავს. “იქნებ თავჯდომარე ასეთიც შეიძლება იყოს” – წერს ჟურნალისტი სოციალურ ქსელში.
ჟორჟოლიანი ფიქრობს, რომ პარტია უნდა გადაიბარონ ახალგაზრდებმა, ხოლო ვეტერანებმა ზურგი გაუმაგრონ.
ტელეწამყვანის თქმით, საგარეო ველი უმნიშვნელოვანესია, რასაც კომპეტენცია და სწორი მიდგომები სჭირდება, შესაბამისად ადამიანი რომელიც ამ თემას ჩაიბარებს იქნება მცოდნე და კომპეტენტური.
მიშასთვისაც და ჩემთვის იდეალური იქნებოდა თინას თავჯდომარეობით ნაცმოში ჩემი ინტეგრაცია.
როგორც უკვე ვთქვი, ჩემზე ჭკვიანია, ჩემზე გამოცდილი, მან იცის ის რაც მე არ ვიცი და მე შემიძლია, რისი უნარებიც შეიძლება მას არ ჰქონდეს, იდეალური პარტნიორები ვიქნებოდით და სამწუხაროა რომ ასე არ დალაგდა.
ამ პარტიას ჰყავს მთავარი ლიდერი და ის მიხეილ სააკაშვილია, ჰყავს ხაბე, რომელმაც ბევრი იშრომა გუნდისთვის და საერთო საქმისთვის.
ხაბე რომ გარეთ ყოფილიყო ჩემი საჭიროება არც კი იარსებებდა ნაციონალურ მოძრაობაში. ტყვეობაშია ირაკლი ნადირაძე, რომელმაც წაგებულ ომში შესვლით, მონობას თავგანწირვა ამჯობინა.
მე რა შემიძლია გავაკეთო ?! პარტიას დავუბრუნო მიშას ტემპი, პრიორიტეტები, როცა მთავარი სახალხოობა იყო, პოლიტიკა საყველპურო. მე ამ პარტიაში ჩემს თავს მენეჯერად განვიხილავ.
იქნებ თავჯდომარე ასეთიც შეიძლება იყოს. იქნებ პოლიტიკას ჰალსტუხის ბოლომდე მოჭერა აღარ სჭირდება.
თუ პარტია ახლა კრიზისშია, იქნებ კრიზისმენეჯერი სჭირდება.
საგარეო ველი უმნიშვნელოვანესია , რასაც კომპეტენცია და სწორი მიდგომები სჭირდება. ცოდნა და გამოცდილება. შესაბამისად ადამიანი რომელიც ამ თემას ჩაიბარებს იქნება მცოდნე და კომპეტენტური.
ექნება სრული ნდობა და დამოუკიდებლობა.
ის ქვეყნის გარეთ და მე ქვეყნის შიგნით.
ახლა კი მთავარი, ეს პარტია უნდა გადაიბარონ ახალგაზრდებმა. ვეტერანები ზურგს გაუმაგრებენ.
პარტია დიდი მოლოდინით ხვდება სიახლეებს და მადლობა მათ სწორი და საქმიანი დამოკიდებულებებისთვის, რაც ამ დღეებში დავინახე.
ამ საუკუნეში რაც უფრო შეშლილია იდეა , უფრო ეფექტურად მუშაობს, ჰოდა იქნებ აქაც იმუშაოს”, – წერს ნანუკა ჟორჟოლიანი.
დღეს მიხეილ სააკაშვილმა ციხიდან წერილი გაავრცელა – მესამე პრეზიდენტმა Facebook-ის პირად გვერდზე დაწერა, რომ ენმ-ში მისი თავმჯდომარეობის კანდიდატი ჟურნალისტი ნანუკა ჟორჟოლიანია.