Georgian Airways ბათუმის მიმართულებით ფრენებს შეასრულებს – ბილეთის ფასი 418 ლარიდან დაიწყება.
TAV Georgia-ს ინფორმაციით, 25 ივნისიდან Georgian Airways-ი თბილისი-ბათუმის მიმართულებით ფრენებს იწყებს. ავიაკომპანიის საიტზე ბილეთების გაყიდვა უკვე დაწყებულია – საწყისი ფასი კი 418 ლარია.
მათივე ინფორმაციით, ზაფხულის სანავიგაციო სეზონის განმავლობაში, თბილისი-ბათუმი-თბილისის საჰაერო ხაზზე ფრენები ყოველ სამშაბათს, ხუთშაბათს, შაბათსა და კვირას, Boeing 737 ტიპის ხომალდით შესრულდება.