მთავარი განცდა, რაც დამრჩა, არის სიბრალული, – ასე ეხმიანება “ლელოს” ლიდერი გრიგოლ გეგელია ირაკლი კობახიძის გუშინდელ ბრიფინგს. ოპოზიციონერი პოლიტიკოსი ამბობს, რომ დაინახა ადამიანი, რომელიც “სრულ მონობაშია”.
“პირველი და მთავარი განცდა, რაც დამრჩა, არის სიბრალული. მე დავინახე ადამიანი, რომელიც არის სრულ მონობაში სხვა ადამიანთან, რომელიც არის პარანოიალური თეორიებით შეპყრობილი და მე ვფიქრობ, ყველასთვის ცხადი იყო, როგორი დაზაფრული იყო კობახიძე წუთში 4-ჯერ რომ უნდა ეხსენებინა ბატონი ბიძინა, ბატონი “გროსმაისტერი”, უნდა ექო მისი ინტელექტი, რომელიც მას არ გააჩნია, მისი პატრიოტიზმი, რომელიც ასევე არ გააჩნია ივანიშვილს. ჩვენ დავინახეთ ტყვეობაში მყოფი მონა, რომელმც საკუთარი თავი ჩაიგდო აი, იმ ვითარებაში თვითონ და რაც უარესია ჩვენთვის ყველასთვის, ამ მონობის ფარგლებში მილიონობით ქართველის მომავალი გაყიდა სწორედ ამ კობახიძემ” – ამბობს გეგელია.
ცნობისთვის, ირაკლი კობახიძემ 7 წუთიანი ბრიფინგი მთლიანად ბიძინა ივანიშვილს მიუძღვნა – “ქართული ოცნების” ლიდერმა პარტიის საპატიო თავმჯდომარის სახელი და გვარი 27-ჯერ ახსენა.