გავრცელებული ინფორმაციით, ჩოხატაურის N1 საჯარო სკოლის მეშვიდე კლასის მოსწავლე, ლუკა სიხარულიძე ოპერაციამდე ნარკოზის შეყვანის შემდეგ გარდაიცვალა – ინფორმაციას ამის შესახებ ადგილობრივი გამოცემა Guria News გარდაცვლილის ახლობლებზე დაყრდნობით ავრცელებს.
როგორც გამოცემა წერს, ლუკა სიხარულიძემ ხელი მოიტეხა და ოპერაცია მ. იაშვილის სახელობის ბათუმის დედათა და ბავშვთა ცენტრალური ჰოსპიტალში უნდა გაეკეთებინა.
“ხელი მოიტეხა და ოპერაცია უნდა გაეკეთებინა. როგორც კი შეუყვანიათ ნარკოზი, გული გაუჩერდა” – ციტირებს გამოცემა ლუკა სიხარულიძის ახლობელს.