კანადაში, ოქროს მაღაროელმა მუმიფიცირებული პატარა მამონტი იპოვეს. ცნობილია, რომ მამონტი 30 ათასი წლის წინ ცხოვრობდა და შესანიშნავად არის შემონახული. ამის შესახებ უცხოური გამოცემა Science Alert იტყობინება.
ადგილობრივი ხელისუფლების პრესრელიზის თანახმად, მდედრ მამონტს ერქვა Tr’ondaek Hwech’in Nong cho ga, რაც ჰანში ითარგმნება როგორც „დიდი ბავშვი ცხოველი”. ის არის ყველაზე სრულყოფილი მამონტის მუმია, რომელიც აღმოჩენილია ჩრდილოეთ ამერიკაში.
გაყინული მამონტი გეოლოგებმა მას შემდეგ აღმოაჩინეს, რაც კლონდაიკის ოქროს მაღაროელმა ნარჩენები გათხრის დროს იპოვა.
პალეონტოლოგები ამბობენ, რომ მაღაროელმა გააკეთა “ყველაზე მნიშვნელოვანი აღმოჩენა პალეონტოლოგიაში ჩრდილოეთ ამერიკაში”.
„ეს ოცნება დღეს ახდა. ნუნ ჩო გა არის მშვენიერი და ერთ-ერთი ყველაზე წარმოუდგენელი მუმიფიცირებული ყინულის ხანის ცხოველი, რომელიც ოდესმე აღმოჩენილა მსოფლიოში“,- ამბობენ ისინი.
მამონტი, სავარაუდოდ, გარდაიცვალა და გაიყინა გამყინვარების პერიოდში, 30000 წელზე მეტი ხნის განმავლობაში. ის ველურ ცხენებთან, გამოქვაბულის ლომებთან და გიგანტურ სტეპურ ბიზონებთან ერთად დადიოდა იუკონში.
გავრცელებული ინფორმაციით, პატარა მამონტს ჰქონდა კლანჭები, კანი, მატყლი, ტანი და ბალახით სავსე ნაწლავებიც კი.
